Nahimatay ako matapos ko malaman na wala pala talagang Gideon at wala pala talaga iyong bahay. Nagising na lang ako na nasa hospital na ulit ako. Dumating naman si Travis, sino ba naman ang hindi makakakilala sa kan'ya? Pero nagulat siya kung bakit ko raw siya nakilala agad e hindi naman kami nagpang-abot sa Isla. He's part of my hallucination/imagination o kung ano man 'yan. Masama na kung masama pero nang makita kong totoo pala siya, hindi ko maiwasang masabi na sana si Gideon na lang 'yong totoo. Harsh ba? Ganoon talaga, mahal ko si Gideon e. Nagmahal ako sa taong binuo lang ng aking imahinasiyon.
Punong-puno pa rin ng galit ang puso ko nang makita ko muli si Conrad sa cellphone kanina, nakiusap ito na mag-usap daw kami. Hindi ko napigilan ang aking sarili sa pagluha kanina, lalo na no
