Winston’ pov
WALANG plano si Winston na makipagkita kay Feonna pero nagpumilit pa rin ito na makita siya. Ang gusto ni Feonna ay sa bahay niya ito pupunta pero hindi siya pumayag. Wala itong nagawa nang sabihin niya na sa labas sila mag-uusap dahil nasa bahay niya pa rin si Sue. Alam niyang galit ito kay Sue pero para wala siyang pakialam doon. Galit pa rin siya sa mga ito. Pinaglaruan siya ng mga ito. Pinaikot na akala mo ay isa siyang laruan.
Lahat ay ginawa niya na upang iwan siya ni Sue pero hindi pa rin ito umaalis sa bahay niya. Pinapanindigan pa rin nito ang pagiging asawa niya. Hindi niya alam kung nagsisisi ba talaga ito o ano. Ayaw niya nang paasahin ang kanyang puso na ang pinapakita ni Sue sa kanya ay totoo. Kahit mahal na mahal niya si Sue ay pinipilit niyang wag
