Mag-iisang taon na simula nang lumayas si Kuya. Hindi ko alam kung bakit niya ginawa 'yon, hindi ko alam kung babalik pa siya. Kung hindi ko ba siya naabutan nung paalis siya, magpapaalam kaya siya sa akin? Minsan, iniisip ko rin na baka mas maganda kung hindi ko na lang siya naabutan. Para maramdaman kong wala talaga siyang balak na ipaalam sa kahit kanino sa amin na aalis siya. Kung ganon, edi sana hindi na ako umaasa pang babalik siya.
"Good night, baby girl," malumanay na sabi ni Ate habang dahan-dahang hinahaplos ang buhok ko. Parehas kaming nakahiga sa kama at dumaan lang siya sa kwarto ko para magsabi ng goodnight.
"Ate..." tawag ko sa kan'ya, nakatingin ako sa taas. "Kailan kaya babalik si Kuya?"
Narinig ko ang pagbuntong-hininga niya. Siguro ay napapagod na rin siya t'wing nagt
