Sofie POV
Pagkatapos kong maligo ay lumabas ako ng banyo na nakabalot lang ng tuwalya ngunit hindi ko na nakita pa si Alexander sa loob ng kwarto.
Naagaw ang atensyon ko ng isang white dress na nakalatag sa ibabaw ng kama at sa gilid nito ay isang kahon na may lamang puting sapatos na may 2 inches ang taas ng takong.
Kinuha ko ang damit at sinimulang isuot, sinuri ko ang aking kabuuan sa salamin at hindi ako makapaniwala sa kagandahan na nasa aking harapan.
Napangiti ako sapagkat nagustuhan ko ang damit, isa itong simpleng off shoulder dress at masyadong hapit ito sa akin, kaya lalong lumitaw ang magandang hubog ng aking katawan at ang haba nito ay halos umabot sa aking talampakan, nagpahid ako ng kaunting lipstick bago sinuklay ang alon-alon kong buhok na hanggang baywang ang haba na
