"Yes! Nandito na ako sa mall asan na kayo?.. bakit kasi dinala n'yo pa si Bryce." na iinis na turan ni Blue habang nag lalakad papasok ng mall.
"Bilisan n'yo iintayin ko kayo dito." utos ni Blue kay Violet, hiniram kasi nito ang anak sa mga mommy nila at mukhang napapaglihihan pa ni Violet ang anak niya at gusto nitong laging bitbit sa mga lakad nito at ni Ivo. Huminto naman si Blue sa tapat ng isang kiddie playground. Maingay sa paligid, maraming batang tumatawa, nagsisigawan, umaakyat sa slides at tumatalon sa foam pits. Pero sa isang sulok, may isang batang umiiyak nang malakas, halos magka-hiccup sa kakaiyak. Sa harapan nito ay isang naka uniform na mukhang yaya at pilit na pinatatahan ang bata na halatang ayaw mag pahawak sa yaya nito.
Sa tingin niya 2-year-old ang batang lalaki, na
