EPISODE 5
4 YEARS AGO…
Nakaupo sa kanyang rocking chair ang matandang nagngangalang Antonius Arison, ang nagmamay-ari ng isa sa mga successful empire kasunod ng Miller Empire, ang Arison Empire. Maraming negosyo ang matanda at kasama na rito ang underground businesses at ang kanyang itinayo na mafia organization, ang Arison Mafia. Habang tumatagal ay hindi na maiwasan na mapasip ng matanda kung sino ang magmamana sa lahat ng pinaghirapan niya at sino ang magpapatuloy sa kanyang mga negosyo. Wala siyang pamilya at wala rin siyang anak. Nawala sa isipan ni Antonius na importante pala magkaroon ng anak lalo na’t ito ang susunod sa kanyang mga yapak, pero huli na sa lahat si Antonius at tanggapin na lang ang mga kamalian niya. Sa ngayon ay nag-iisip na lang siya kung sino ang bibigyan niya n
