Baste
Minabuti niyang manahimik dahil tila napikon ang kanyang ina. Binuksan na lamang niya ang kanyang cellphone at in-open ang kanyang data. Binuksan niya ang kanyang social media account. Kamakailan lamang niya iyon ginawa. Ipinayo sa kanya ni Bea na dapat ay may social media siya. Nang una kasi ay ayaw niya dahil wala siyang hilig sa social media. Isa pa ay busy siya sa munisipyo at wala siyang oras para mag-open sa social media. Subalit sinabi sa kanya ni Bea na maganda raw ang may social media account. Halos lahat ng tao raw ay gumagamit na nito kaya dapat ay mayroon siya. "Si Ate Red ay mayroon social media account. I-add mo siya," wika pa nito sa kanya. Lumipas ang mga araw pero hanggang ngayon ay hindi pa rin siya nag-sesend ng friend request dito. Pinag-aralan niya ang pasikot-s
