"Uy," tinampal niya ito sa balikat. "Grabe ka, hindi ako nagseselos kay Bea noh," wika niya rito sabay irap.
"Hindi ba?" natatawang wika nito habang kumakamot sa ulo.
"Hindi! Bakit ko pagseselosan si Bea?" Pagkuwan ay napaisip siya. "Hmmm...," pinagsalikop niya ang braso. "Mayroon ba akong dapat ikaselos?" naniningkit ang matang tanong niya kay Sebastian.
"Syempre, wala!" mabilis na tanggi ni Sebastian sa kanya. "Purong magkapatid lamang ang turingan namin eh."
"Sigurado ka?"
"Oo! Sinabi ko na hindi ba? Umulit lang ang usapan natin kanina eh."
"Oo nga noh?" sang-ayon niya rito. Mag-drive ka na nga lang," payo niya rito na sinunod naman nito.
Sa wakas ay narating na rin nila ang ocean park. Pagkatapos mag-park ni Sebastian ay agad siyang bumaba upang pagbuksan ng pinto si Red. Pagku
