Ipinasya na lamang ni Red na bumalik na sa kanyang silid. Kanina pa niya pilit na pinaglalabanan ang sakit at hapdi na nararamdaman niya dulot ng lantaran na pag-ignora sa kanya ni Sebastian. Hindi niya akalain na ganito ang magiging impact agad ng hindi niya pagpayag na ipaalam na ang kanilang relasyon sa lahat. Karma na ba niya ito dahil salawahan ang kanyang puso? Inirereserba niya si Gerald dahil sa takot na baka sa huli ay maaagaw sa kanya ng iba si Sebastian?
Napakasakit sa kanya na iniwan siya ni Sebastian kanina kahit na alam niyang kasalanan naman talaga niya. Hindi niya akalain na matitiis siya nito na hindi lapitan o kaya ay pansinin man lamang. Kaninang tinawag na sila para bumaba ay excited sana siya na puntahan na ito sa kwarto at sabayan na bumaba. Sinubukan niyang habulin
