Gusto pa sana ni Sebastian na makausap nang matagal si Red pero inaalala niya rin ito. Mayroon pa itong pasok sa opisina nito. Babawi na lamang siya rito kapag nagkita sila sa party. Kaya nagpaalam na sila sa isa't isa. Muli ay nakumpleto ang buong araw nilang magkasintahan.
Gabi pa lamang ay bumiyahe na si Sebastian. Nagpaalam na siya sa mga magulang dahil siguradong lagot na siya kapag nalaman na naman ng mga ito na umalis siya. Nag-chat siya kay Red at nalaman niya na naroon na ito sa resort. Mabilis lamang siyang nakarating sa resort. Nagtanong siya sa guard at ibinigay niya ang kanyang pangalan at id sa guard. Pagkuwan ay pinagbuksan na siya nito nang makita sa record nito ang kanyang pangalan. Nag-park lamang siya at pagkuwan ay bumaba na siya ng sasakyan. Iginala na niya ang panin
