Sa sobrang dismaya ni Red sa nangyayari ay ibinuhos niya ang kanyang pagkainis sa ginagawa niyang gown na kanyang susuotin para sa darating na kaarawan ng Inay ni Sebastian. Sisiguraduhin niya na magiging maganda ang kalalabasan ng gown at magiging maganda siya sa paningin ng lahat. Ipapakita niya na mas maganda siya sa kambal ng ex girlfriend ni Sebastian. Personal na rin siyang natawagan ni Tita Rose upang imbitahin sa nalalapit nitong kaarawan. Hindi pala nito nalaman agad na mayroong nakahandang party para rito. Kasalukuyan na niyang pinatatahi sa isang sewer nila ang kanyang gown nang tumunog ang mobile phone niya. Unknown number ang lumitaw sa screen. Napaisip siya kung sino naman kaya ito. Ipinasya na lamang niyang sagutin upang malaman niya kung sino ang calller niya. Baka mamaya n
