"Hindi ito ang tamang oras para pag-usapan natin ang bagay na iyan, Gerald."
Sakto naman ang paglabas ng doktor mula sa emergency.
"Sino rito ang kamag-anak ng pasyente?"
"Lahat po kami rito, Doc, ay anak ng pasyente," sagot ni Gemma.
"Ganoon ba? Ako nga pala ang tumatayong doktor sa inyong ina. Isa akong cardiologist. Ako si Doktor Sales," pagpapakilala nito sa sarili.
"Ano po ang kalagayan ng aming Ina?"
"Ikinalulungkot ko na ibalita sa inyo na hindi mabuti ang kalagayan ng inyong ina... May coronary heart disease siya at kailangan niyang sumailalim sa open heart surgery para maalis ang bara sa puso niya sa lalong madaling panahon upang masagip natin ang buhay niya…" mahabang paliwanag ng doktor. "Tatapatin ko na kayo kaagad…" Tumingin si Doktor Sales sa magkakapatid. "Malaking pe
