“Na-miss mo ba ako?” nakangising bati ni Eric.
Natawa ng bahagya si Mateo maski may nahimigan siyang sarkasmo sa tono nito, “S’yempre hindi. Magkasama lang tayo kanina.”
Magkakasama sila na nag-antay sa clearance ng doctor na maka-uwi na si Lanie. Pero si Mateo na ang naghatid dito. Hindi nila akalain na magkikita silang muli sa business meeting na iyon.
“Hindi ko akalain na hands-on ka na pala sa mga ganitong meetings. Saan namin ipag-aalay ang pagbaba ng imortal sa aming mga hamak na mortal?”
“Lacson, bakit hindi ka lumuhod at mag-alay ng iyong papuri kung ganun?” sarkastikong balik ni Mateo kay Eric.
“Hindi na kailangan dahil hindi ako bulag na taga-sunod mo Vera.”
Tiim-bagang si Mateo na tila nagpipigil ng emosyon sa nangyayari. Huminga ito ng malalim para sa susunod na sasabihin
