NAPATITIG nang matagal si Gianna sa harap ng salamin. She was wearing a red dress. Bahagya pa siyang tumagilid upang makita ang umbok ng kanyang tiyan. Apat na buwan na lang ang hihintayin nila ni Dominic. Napangiti siya nang maalala ang pagpunta nila kanina sa O.B Gyne upang malaman ang kondisyon niya.
KINAKABAHAN siya habang hinihintay ang resulta ng ultra-sound at ang iba pang check-up na ginawa sa kanya.
Napanatag lang ang loob niya ng hawakan ni Dominic ang kanyang palad. "Hey, cheer up," anito na nakangiti. Pero hindi rin naitago ng ngiting iyon ang kaba na maaaninag sa mukha nito.
"Sana healthy siya," aniya na lang.
"Of course, he will be healthy," paniniguro nito. Kunsabagay, puro healthy na pagkain lang naman ang kinakain niya. Hindi rin niya nakakaligtaan ang pag-inom ng gata
