"Masakit ulo mo?" nang-uuyam na tanong sa'kin ni Xolani kinabukasan.
Hindi ko maalala kung paano ako nakauwi basta ang huli kong natandaan ay ang pinaggagawa ko sa public CR kasama si Yudz.
Marahas akong napasapo ng sarili kong ulo nang muli na namang sumagi sa utak ko ang nangyari. Lihim kong hinihiling na sana ay panaginip na lang iyon. Ang problema ay alam kong nangyari talaga iyon!
Kahit gaano ako kalasing ay naaalala ko talaga ang kabaliwang pinaggagawa ko. Bakit nga ba hindi ako katulad no'ng iba na biglang nagkaka-amnesia dahil sa kalasingan?
"Sinasabi ko naman sa'yo kagabi na dahan-dahan sa pag-inom," panenermon sa'kin ni Xolani.
"Nakakadagdag sa sakit ng ulo ko ang boses mo," nayayamot kong reklamo. "Katahimikan, please..." iritable kong dugtong.
"Kung umakto ka ay parang h
