"I love you so much, babe. Tandaan mo 'yan."
Tahimik akong humikbi nang maalala ko na naman ang sinabing iyon ni Paul. Kanina pa paulit-ulit sa utak ko pero nauuwi na naman ako sa eksenang naabutan ko kanina sa bahay nila. Kahit lasing na ako ay sobrang linaw pa rin sa isip ko ang mga kataksilan nila! Tinraidor nila ako, kaming dalawa ni Romnick. Mga manloloko! Siguro matagal na nilang ginagawa iyon. Hindi lang namin alam dahil hindi namin iniisip na kaya nila kaming pagtaksilan. At talagang tinaon pa nila sa anniversary namin. Ano, anniversary din ba nila kaya nag-celebrate din? Oras lang ba ang pagitan at mas nauna sila kaysa sa amin?
Nagpunas ako ng luha bago ko dinampot ang bote ng beer at diretso ko itong tinungga kahit panay ang tulo ng luha ko. Tinuloy-tuloy ko ito hanggang sa ma
