Matindi ang panghihinang nararamdaman ni Rafael, bukod sa ginagawa siyang punching bag ng mga bantay niya. Hindi rin siya pinapakain at pinapainom nang maayos ng mga ito. Ilang araw o linggo na nga ba siyang nakakulong sa apat na sulok ng kwartong iyon? Ni hindi na nga niya alam kung anong oras na o araw o petsa. Hindi na niya matandaan. Iba na rin ang amoy niya dahil pinapabayaan lang siya ng mga ito na umihi at dumumi sa loob ng kwarto. Naglagay lang ito ng mahabang taling kadena sa kanyang mga paa. Gayunpaman, pilit niyang pinapatatag ang sarili. Tanging si Rima lang ang dahilan kung bakit pinipilit niyang mag survive sa bawat araw. Umaasa siya na isang araw ay makakawala rin siya sa impyernong kinasasadlakan at muli silang magsasama ng kasintahan.
"Boy, gutom ka na ba?" anang isang ti
