Napaiyak na lang si Lorraine nang tuluyan ng umalis si Esteban. Gusto niyang ipaliwanag dito ang tungkol sa anak nilang dalawa. Ngayon niya lang napagtanto na may karapatan din ito sa bata.
"Ate, siya po ba ang ama ni Luna?" untag sa kaniya ni Inez. "Magkahawig po kasi, at ang guwapo niya."
"Oo, siya ang ama ni Luna."
"Bakit po siya umalis kaagad? Hindi ba panahon na para malaman niya ang totoo?"
"Tama ka, dapat niya na ngang malaman ang totoo."
Pinahiran niya ang kaniyang pisngi at inayos ang buhok pati na ang nagusot na blouse. Pakiramdam niya ang pangit niya ngayon at sa ganitong ayos pa siya nakita ni Esteban.
Halaos hindi siya makapagsalita nang makaharap ito ulit. Wala pa rin itong ipinagbago, nakakaakit pa rin ang kaguwapuhan nito.
Ito kaya? Maganda pa rin kaya siya sa pan
