MABUTI NA lang at naglinis ang mga pinsan ni Bea nang pumunta sila sa kanilang bahay ni Basty. Hindi nakakahiyang ilibot ito roon. Ayaw na niya sana itong papasukin sa kaniyang silid ngunit mapilit ito.
Gusto talaga nitong makita ultimo ang hinihigaan niya. Napapailing na lang siya rito nang makaupo ito sa kaniyang kama. Lihim siyang nagpasalamat dahil bagong palit ang kaniyang kobre-kama pati na ang damit ng mga unan.
"Hindi ka ba nalulungkot kapag mag-isa ka lang dito sa bahay ninyo?" Ginala ni Basty ang tingin sa buong kwarto niya.
Umiling siya saka naupo rin sa kama. "Hindi naman maiiwasan na malungkot ako pero imbis kasi na malungkot, nililibang ko na lang ang sarili ko. Kadalasan ay kausap ko best friend kong si Becka bago matulog. Matatapos lang any video call namin kapag antok
