CRISTINE
Kasalukuyan na sakay kami ngayon ng Toyota Avanza E na pina-book na grab ni kuya Edriel papunta sa bahay nila Shiena. Mabuti na lang talaga at hindi pinasama ni nay Anissa si kuya Edriel dahil naka-inom na ito. Kahit paano, nabawasan ang pangamba na meron ako dahil hindi makikita ni kuya Edriel si Jihero.
Si nay Anissa na lang ang problema ko.
Sinalubong kami ni Shiena ng marating namin ang bahay nila. “Girl, mabuti at nakapunta kayo! Saan si kuya Edriel? Hindi sumama?” may tampo at inis sa himig ni Shiena, tumingin pa siya sa likuran namin ni nay Anissa para hanapin ang pinsan nito.
“Naka-inom kasi ang kuya Edriel mo, Shiena, kaya hindi ko na pinasama.” si nay Anissa ang sumagot. Nang makita nito ang Mommy ni Shiena at iba pang kamag-anak, agad ito na humalo sa mga iyon upa
