PUMIPILA ang mga tao sa labas ng restawran na umabot ang dulo sa hinintuan niya ng kotse. Simple lamang ang labas ng restawran na napintahan ng kulay itim. Mayroon itong salaming dingding kung saan makikita ang mga kumakain sa loob. Kahit ang pangalan sa karatula nito'y hindi sopistikado ang mga ginamit na letra. Sa kaloob-looban pa ng isang kalye nakatayo ang kainan. Nakailang liko mula sa pangunahing kalsada ang minaneho niyang sasakyan bago makarating doon. Hindi niya mapigilang magtanong sa kaniyang sarili habang hawak ang manibela kung ano ba ang gagawim nila roon. Dahil sa wala naman siyang makuhang sagot nilingon niya na lamang si Aristhon na nakaupo sa hulihang upuan. Siya ang naging drayber nito nang araw na iyon sapagkat iniwan nito ang alalay na si Mikal sa ospital para magbanta
