HINDI nga siya nagkamali sa naisip na mahahanap ng grupo ni Rustom ang bahay bakasyunan na iyon ni Aristhon. Malayo pa man sila ng ilang dipa sa bahay napansin na nila ang pag-ikot ng mga kalalakihan sa labas ng bahay. Ang iba naman ay naroon sa loob na pinipilit silang hinahanap na makikita sa salaming dingding. Dahil sa nangyayari hindi na sila tumuloy ng paglalakad. Nagtago na lamang sila sa likuran ng mga halamaln bago ang malapad na bakuran ng bahay. Nagsisigaw pa ang pinakalider ng grupong nagtungo roon sa bakuhran para utusan ang mga kasamahan nito. Tumigil lamang ito sa pagsigaw nang tumunog ang cellphone nito. Kinuha nito ang cellphone mula sa bulsa ng suot na pantalon at sinagot nga ang tawag. Naalis niya na lamang ang tingin rito't binaling kay Aristhon na nagmamasid lang din.
