Jacel's POV
Naghintay lang ako sa may labas, hindi ako mapakali. Ano kayang pinag uusapan nila? Sana naman magka ayos sila, hindi naman ako ganun kasama para ipagpatuloy pa ang pag angkin ko ng hindi akin.
Noon pa man at hanggang ngayon, hindi naging akin si Dale. Si Casey lang ang mahal niya at wala ng iba. At ngayong isinuko ko na si Dale kay Casey, sana ay may saysay yun ngayon.
Sana hindi pa din huli ang lahat para maging maayos sila. Hindi ko akalaing nasasabi at naiisip ko ang mga bagay na ito. Sa halip na hilingin ko na hindi na sila magkaayos pa, hinihiling ko na maging okay sila.... Kahit pa ang kapalit nun ay ang pagdudusa ko.
Sa tingin ko, hindi naman talaga ako ganun kasama di ba? Nagmamahal lang ako kaya may mga bagay akong nagagawa na hindi tama. Na minsan, kahit alam m
