CHAPTER 46 - Bourbon effect
1618 Words
HINIHINTAY nila ng mga oras na iyon si Kai at Bella.
Nasabi na sa kanya ni Bella na kasama na nga daw nito si Kai dahil sa parehas na building nakatira ang dalawa.
"Husbie, bakit mo nga pala naisip na pabantayan ako kay leader Kai?" Tanong ni Prin habang kumakain ng chicken wings.
Nilingon siya ni Cally sa tabi. "Ayaw mo ba na bantayan ka ni Kai?"
"Hindi naman kasi ako kailangan na bantayan. Naaawa pa nga ako sa kanya kasi gustong-gusto niya ang Camp."
Naalala ni Prin bigla ‘yung araw na bagong dating si Kai sa school nila. Grabe kung magsungit ang lalaki sa kahit kanino. Kulang na lang sakalin nito ang mga babae na lumalapit dito. Kung ibebenta nga lang niya ang picture ng lalaki, sigurado na kikita si Prin mula sa mga ka-eskwela niya sa 'pa-picture'.
"Honestly, it's not my choice alone. Kinausap ako ng Lolo niya. We knew that Kai also did an online courses. But some of his subjects need his actual presence. There is also a possibility that he will manage their family business. Kaya kailangan niyang pumasok at mag-aral na tulad mo."
Napatango si Prin.
"Hmmm… bakit naman kailangan niya pang pumasok sa business nila? e, malaki naman ang sweldo niya sa Dark Guards" bilang Leader ng Senior Black Team, sigurado si Prin na kumikita ng milyon si Kai kada taon.
Kumuha ng tissue si Cally at pinunasan ang malangis niyang labi dahil sa chicken wings.
"Hindi sa lahat ng bagay ay mahalaga ang sweldo o ang pera. Madalas obligasyon din." makahulugan na sabi ni Cally.
"Sabagay… Siguro kung hindi dahil sa obligasyon mo, hindi mo ako naging asawa. Sigurado na isang Irish o kaya British ang mapapangasawa mo kung hindi mo sinunod sila Madam Lira."
Alam ni Cally na nagsasalita lang ng walang katuturan si Prin, pero di pa rin naiwasan na masaktan siya kapag naisip na sakaling iba ang mapapangasawa niya.
Tinanggal na sa isip ni Prin ang ideya niya tungkol sa kasal nila ni Cally. Wala man lang maayos na seremonyas iyon at basta lang sila nagpirmahan dahil sa obligasyon ng asawa niya. Nakaramdam siya ng kirot.
"Do you really like the ideya na magpakasal ako sa iba?"
Halata na hindi mapakali si Prin sa tanong ni Cally. "No…"
"Mabuti naman, at least gumagana paminsan-minsan ang utak mo"
Tiningnan niya ng masama si Cally.
"Balik tayo kay Kai. Hindi ka ba natatakot na baka ma-inlove ako kay Kai kapag magkasama kami palagi?" Interesado niyang tanong
Tumitig sa kanya si Cally, ibinaba nito ang mukha sa kanya at kinagat ng bahagya ang labi niya.
"Ouch!" Reklamo ni Prin.
"Subukan mo pang magsalita ng bad words, may kagat ka ulit sa akin." Banta ni Cally.
"I'm just stating a possibility."
Binaba muli ni Cally ang labi nito sa kanya at kinagat muli ang labi niya.
"Ouch!" Nasapo niya ang labi niya na sa palagay niya ay bahagyang namaga dahil sa ginawa nito.
"Anyway, I don't believe na mai-inlove ka sa iba" mayabang na sabi nito na ikinapula ng pisngi ni Prin. Iyon ang nabungaran ni Bella at Kai.
"What are you talking about?" Kunot-noo na tanong ni Kai.
"N-nothing" kaila ni Prin.
"Oh! Then, why are you kissing?" Nakangisi si Bella.
Lalong namula ang pisngi ni Prin.
Hinila niya na lang si Bella sa tabi para maka-iwas at nagsimula silang mag-kwentuhan. Ganoon din naman si Kai at Cally. Nagsimulang mag-report dito si Kai kung ano ang mga nangyayari sa Camp bago ito umalis.
Agaw-atensyon sila sa ibang customers dahil nasa iisang table ang dalawang matikas at gwapong lalaki na may kasamang mga binibini. Para silang nasa double date kaya walang nagtatangka na lumapit sa kanila.
Nang wala nang mapag-kwentuhan ang dalawang lalaki, tuloy pa rin sa bungisngisan si Prin at Bella. Tinunga ni Cally ang iniinom niyang bourbon.
Tulad ng inaasahan ni Cally, nakalimutan na siya ni Prin nang dumating ang kaibigan nito.
Hindi napapansin ni Cally na madami-dami na siyang naiinom.
"Baby Panda, uwi na tayo…" naglalambing na aya nito maya-maya.
Nilingon ni Prin ang namumulang mukha ni Cally. Tiningnan ni Prin ang tapat nito at halata na madaming shots ng bourbon na ang naiinom ng asawa niya.
"Bakit madami kang ininom?"
"Hmm… Ayaw mo kasi akong pansinin e." tila nagtatampo na sabi.
"Haay, mabuti pa umuwi na kayo ni Shi Cally. At ikaw…" tawag ni Kai kay Bella.
"...Halika na't umuwi na din." wala nang nagawa si Bella ng hilahin na siya ni Kai mula sa pagkakaupo.
Naiwan si Prin at Cally. "Baby Panda, nagugutom ako. Lutuan mo ako sa bahay." sabi na para bang iniwan ng magulang.
Natigil si Prin. Ano naman ang lulutuin niya? Napakamot siya sa ulo. "W-wala akong alam na lutuin e."
Tumayo si Cally at inikot ang paningin sa paligid.
"Walang magluluto para sa akin…" malungkot at tila batang paslit na sabi ni Cally.
Prin "...."
Biglang pumasok sa isip niya ang parehas na senaryo nang mga panahon na kapwa sila trainees ni Cally. Tulad din noon, parang sinapian ng isang grade six na estudyante si Cally.
Nagulat na lang si Prin nang bigla itong tumayo at mabilis na naglakad papalabas.
"Sh*t! Sh*t! Sh*t!"
"Zico, huwag mong palalabasin si Master Cally!" sigaw niya pero huli na, dahil nakatakbo na palabas si Cally ng White Devil
LUMABAS agad si Prin para hanapin si Cally. Hindi tulad sa mansion nila sa Japan, mas malawak at mas ma-tao ang Maynila. Bukod pa sa maraming kalye at eskenita.
Kapag nawala ito sa paningin niya, siguradong lagot na!
Nang makalabas si Prin, natanaw niya si Cally na paliko na sa kabilang kanto. Nilingon niya ang guards sa tabi.
"Guys, this is red alert! Tawagan niyo si Zico or Zuki, we need to find your Shi Cally. You and you, doon kayo sa kabila umikot. Dito ako." Sabi niya sa dalawang tauhan ng White Devil.
Tumakbo si Prin sa tinungo ni Cally. Tinawagan niya ulit si Kai dahil siguradong hindi pa nakakalayo ang dalawa. "MB5, I need your help! Tumakbo si Shi Cally palayo sa White Devil. Please go to Antonio Flores St. Papuntang Bocobo. Dito ako sa Del Pilar." Plano ni Prin na ma-corner si Cally.
Sa kasamaang palad, hindi niya makita si Cally.
'Sh*t!' Napamura si Prin. Dineretso lang niya ang kalye. Inikot niya na pati ang ibang kalye, hindi niya pa rin makita ang anino ni Cally. Nakaramdam na ng pagod si Prin.
Matapos ang tatlumpung minuto kahahanap sa asawa niya, tumawag si Kai.
"Nakita namin siya Prin, paliko ng Arquiza St. Hindi nga lang ako makaikot dahil one way ang kalye dito." Sabi ni Kai sa kabilang linya.
Binilisan ni Prin ang pagtakbo para makapunta sa likuan ng Arquiza St. tulad ng sabi ni Kai. Pagliko niya, nakita niya si Cally sa di-kalayuan. Na-corner na ito ng dalawang guard ng White Devil sa kabilang dulo ng kalye.
Makaka-hinga na sana siya ng maayos nang mapansin na ginugulpi na ni Cally ang dalawang guard. Sigurado si Prin na hindi lalaban dito ang dalawa. Kaya mas binilisan niya na mapuntahan ito. No! Kapag na-ospital ang dalawang guard, lagot na!
Binilisan niya ang pagtakbo kahit nakaramdan na siya ng pagod.
"You two, I'm not done with you yet" sabi nito at akmang susuntukin na naman sa sikmura ang dalawa.
"Husbie! Stop! Stop!" sigaw niya.
Nilingon siya ni Cally. Parang mahihilo na si Prin. Nakaramdam siya ng pagsusuka kaya gumilid siya sa eskenita kung saan sila naroon. Saka niya inilabas ang sama ng pakiramdam. Naalala niya na madami nga pala siyang nakain na chicken wings tapos diretso agad ang walang sawang pagtakbo. Idagdag pa na ilang linggo na siyang walang exercise.
Natigil naman si Cally at nilapitan siya nito, kapwa sila pinagpapawisan dahil sa haba ng tinakbo nila parehas. Halata na nag-aalala ito sa kanya.
"Baby Panda, are you okay?" Tanong nito.
"I'm not okay… my stomach hurts. It's all your fault!" sagot ni Prin.
"Why is it my fault? Ikaw ang kanina pa nawawala, hinahanap kita sa kung saan-saan."
Prin "...."
Ayaw nang makipagtalo pa ni Prin kay Cally. Sigurado na wala sa tamang huwisyo ang asawa niya.
"Husbie, Let's go home" sabi niya dito. Nag-aalala naman ang tingin niya sa dalawang guards na kapwa maiiyak ang mga hitsura.
Ibinaba ni Cally ang sariling katawan at pinasakay siya sa likod. Para talagang panda si Prin na bitbit ng magulang sa likod ni Cally.
Dahan-dahan lang na naglakad si Cally habang karga siya nito pabalik sa White Devil at pinakikiramdaman nila ang isa't isa.
NAGULAT si Zico sa hitsura ng dalawang guard na kapwa may pasa sa mukha.
"Sorry Zico, binugbog ni Cally yung dalawang tao mo" paghingi niya ng paumanhin. Si Cally na suspek ay tila walang pakialam na nakapamulsa sa pantalon habang hawak niya ang isang braso nito.
Wala namang magagawa si Zico.
Pinaupo niya ito sa passenger seat at siya na ang kusang nagmaneho.
"Look what you've done!" nagagalit na sabi niya kay Cally saka nagsimulang paandarin ang sasakyan.
Habang nagmamaneho si Prin, nabigla siya nang halikan ni Cally ang leeg niya. Inayos pa nito ang buhok niya na nakaharang sa leeg niya para magawa nito ng maayos ang trabaho. Nawawala siya sa focus ng pagmamaneho.
"Hey, I-I am driving." Pigil niya dito.
"Then, continue to drive." Tila balewalang sabi nito.
Nang huminto sa stop light ang kotse. Sinakop naman nito ang labi niya. Nakalimutan ni Prin na nagmamaneho nga pala siya, narinig na lang niya ang potpot ng kotse sa likuran dahil green light na muli.
Tinulak niya si Cally at nagpatuloy sa pagmamaneho. Kaunti na lang at nasa harapan na sila ng bahay.
Nagulat siya na parang lumuwag ang bra niya, doon lang niya napansin na tinanggal na ni Cally ang hook ng bra niya sa likuran.
"H-hey! Nasa sasakyan tayo. Huwag kang makulit." Sabi niya dito.
"Parusa mo iyan, dahil kinalimutan mo ako kanina."
Nilingon ni Prin si Cally dahil pinasok na ng kamay nito ang blusa niya.
"H-husbie…" halos hindi lumabas sa bibig niya. Binilisan niya ang pagmaneho dahil tino-torture siya ni Cally.
Nang ma-park niya ang sasakyan sa bahay nila, hinarap niya si Cally. "You are so bad! Paano kung napahamak tayo kanina?"
"It only means, you are not a good driver." Katwiran nito.
Prin "...." tama bang sa kanya pa isisi?
- Writer
