Belle POV
Tahimik kong pinagmamasdan sina Calix at Liran mula sa kusina. Nakaupo sila sa sahig, naglalaro ng mga kotse, at paminsan-minsan ay nagtatawanan. Hindi ko maiwasang mapangiti. Ang tagal kong hindi nakita si Liran na gano’n kasaya, ‘yung tawang walang bigat, walang iniisip.
Napahawak ako sa dibdib ko. Ang daming emosyon na sabay-sabay kong naramdaman. Lungkot, ginhawa, takot, pero higit sa lahat… kapayapaan.
Hindi ko inakalang darating ‘yung araw na makikita ko ulit ang anak kong masaya sa harap ng ibang lalaki — pero hindi sa paraang nakakasakit. Iba si Calix. Hindi niya kailanman sinubukang palitan si Randy. Tahimik lang siyang nando’n, handang umalalay, handang maghintay.
“Mommy, tingnan mo!” sigaw ni Liran, sabay takbo papunta sa akin habang bitbit ang laruan. “Nanalo ako
