Naalala kong hinahanap nga pala kami ni Tatang kaya naman itinulak ko si Vladimir palayo sa akin. Iniwan ko siya dun at paglingon ko ay nakatingin lang siya habang naglalakad ako palayo.
Hindi ba siya susunod?
Nainis ako sa isipin na wala siyang balak na sumunod sa akin kaya hindi ko na siya pinansin pa. Dumiretso ako sa loob ng clinic at pinuntahan ko na si Tatang. Nakahiga pa ito habang kausap ang nurse ngunit ng makita ako ay agad itong ngumiti at mabilis na nagpaalam sa amin.
Napahabol ako ng tingin sa nurse kasabay ng pagkibit balikat ko.
Umupo ako sa tabi ni Tatang at kinausap ko siya.
"Tatang, kamusta po? Ang sugat nyo okay na ba?" Bahagya pa siyang umangat ng pwesto bago sumagot sa akin.
"Okay naman na, hija. Ginamot na ni Rachel. Binalutan rin niya ng benda at nilagyan
