DAX’s POV
Hindi ko mapigilan na maluha. Lumabas na ng bahay ang baby Kassy ko. Mas okay na masaktan na ako ngayon kaysa patagalin ko pa at sa huli ay iiwan din niya ako.
Masakit pero buo na ang pasya ko bago pa ako umuwi ng condo. Sinalubong niya ako agad. Nagtaka pa siya na bakit ang aga ko? Naka-inom na ako sa opisina. Naka-shot na ako. Kinailangan ko pa para magkalakas ako ng loob na sabihin sa kanya ang mga bagay na binitawan ko. Hindi ko nga agad nasabi sa kanya. Tumagal pa ang pagsasabi ko. Nagawa pa niya akong hubaran. Nakatulog ako sa paghiga ko sa aming kama.
Wala na siya. Nasabi ko na sa kanya ang dapat kong sabihin. Hindi ko na naman kailangan pang magpaliwanag. Kailangan ko lang sabihin na hiwalay na kami. Period.
Nagulat ako sa pagbukas ng pinto. Mabilis kong pinunasan
