CHAPTER 30
HINDI NAKATULOG si Antheia noong nagdaang gabi dahil sa labis na pagkasabik. Kabado rin siya kaya naman kahit na anong baling niya sa higaan ay hindi na siya nakatulog. Nasa Lakeview Suites by Cocotel sila ngayon ng kaniyang mga magulang pati na rin sina Frix. Hindi na siya nagtaka pa nang malaman niyang nirentahan ng mga ito ang buong hotel. Ang ibang mga kwarto kasi ay inukopa ng mga bisita nila.
Hindi roon gaganapin ang kasal niya kung hindi sa Villa De Oro. Doon din ang magsisilbing reception pagkatapos ng seremonya. Ayon sa kaniyang wedding coordinator ay nakaayos na ang lugar na iyon at kahapon pa nakagayak.
Bumangon siya mula kama saka ginulo ang sariling buhok. Panay din ang pasok ni Frix sa kaniyang isip dahil hindi niya ito nakikita dahil mahigpit na bilin
