Chapter Thirty Two
A G A P E
PARANG blangko lang ang isip ko habang sinusubukang bilisan ang pagkilos ko--hindi gaanong kahabaan ang mga binti ko pero sinusubukan lakihan ang bawat hakbang para maabutan ang mabilis at papalayong pigura ni Annie na nakita ko kani-kanina lang.
May katangkaran siya kaya napakabilis din ng lakad niya. Kagat ko ang labi ko habang pilit na siyang sinusundan kasabay sa alon ng mga estudyanteng naglalakad dito sa loob ng Weekend Special Mall.
Sa hindi malamang dahilan ay mas lalong bumilis ang lakad niya na animo'y nagmamadali. Kaya naman mas lalo ko ring binilisan ang lakad ko--pero parang hindi sapat, ilang metro ang layo niya sa akin at halos tumakbo na ako para lang maabutan siya.
Sa sobrang pagmamadali ko sa paglalakad ay hindi ko na gaanong napapansin a
