Tatiana
MAY naririnig akong ingay sa paligid ko pero hindi ko maintindihan kung anong pinag-uusapan nila.
“Masama sa kanya ang sobrang stress. Dapat nagpapahinga lang si Tatiana at hindi nag-iisip ng kung ano-ano. Kapapanganak pa lang niya. Hindi nakakatulong sa kanya ang mga nangyayari.”
Alam ko na boses iyon ni Mommy at sa pamamaraan ng pagsasalita niya ay nararamdaman ko rin ang matinding pag-aalala niya sa akin.
“Please, huwag ninyo munang sabihin ang tungkol sa nangyari kay Chaos. Hindi ba at iyon ang dahilan bakit siya nawalan ng malay? Baka kung anong mangyari kay Tatiana kapag nagpatuloy ang ganito.”
Ibinukas ko ang aking mga mata. Hindi ako nakagawa ng ingay kaya’t hindi napansin ng mga kasama ko sa loob ng aking silid na may malay na ako.
Nakita ko sina Dad, Zeke, at Mommy
