Nabulabog sila nang may malaglag na kung ano sa dako ng pintuan. Napalingon sila roon. Nakatayo ang sekretarya ni Dr. Eros Romani at sa paanan nito nahulog ang kipkip na mga medikal na dokumento. Wala ito kanina nang dumating siya. Ang sabi ng doktor ay pinakuha niya sa sekretarya ang ibang resulta ng lab tests niya.
Ngayon ay ang eksenang sinampal niya si Apollo pa ang nabungaran nito.
Bumuntong-hininga si Eros. “Sa labas ka na muna,” anito sa sekretarya.
“Yes, Doc.” Dali-dali naman itong lumabas at kinabig pasara ang pinto na umiingit na dahil nasira iyon nang bahagya nang tadyakan kanina ni Apollo.
“Deserve mong masampal,” malamig na sikmat ni Ahtisa sa CEO nang silang tatlo na lang ulit sa loob ng klinika. Higit pa nga sa sampal ang nararapat dito, pero sabihin na lang niyang pa
