Naging matiwasay ang mga sumunod na araw na kapiling niya si Apollo. Hindi pa rin sila lumalabas nang magkasama, pero mas naglalaan na ng oras sa kanya ang kasintahan. Mas madalas na rin itong umuwi sa bahay niya. Hindi pa rin nito ugaling matulog sa parehong kama katabi niya pagkatapos ng mainit nilang pagtatalik, pero hindi na ito umaalis agad ng bahay, at nagtutungo na lang ito sa home office nito at ginugugol ang oras sa pagsuri ng mga bagay na may kinalaman sa pinamamahalaan nitong kompanya.
Sapat na iyon sa kanya.
Paunti-unti ay ramdam niyang nagiging normal na ang pagsasama nila. Dama niyang sinisikap nitong maging maayos sila, at pinipilit nitong gampanan ang papel nito bilang lalaking nakatakda niyang maging asawa.
Isang linggo na lang naman ang hinihintay nila. Kaunting paghih
