“Apollo!”
Gumuhit ang tipid na ngiti sa mukha ni Apollo nang makitang nagliwanag ang kislap sa mga mata in Elara matapos nitong matiyak na siya ang pumasok sa loob ng pribado nitong silid. Hindi pa rin tuluyang bumabalik ang malusog na kulay ng balat nito, subalit hindi na ito kasingputla noong araw na dalhin niya ito sa ospital.
May komprehensibong report ding ipinakita sa kanya ang mga imbestigador at alagad ng batas na na-assign sa kasong iyon ng dalaga. Nakasulat doon ang pagkakakulong nito sa loob ng malaking bahay ng doktor na matagal nang inalisan ng lisensiyang medikal dahil sa mga ilegal nitong gawain. Nakasulat din sa medical records at examination reports ni Elara ang lahat ng pinsalang tinamo nito habang nasa poder ng doktor.
Pero ang ipinagtataka niya, bakit hindi niya i
