"Akala ko ba hindi ka nagkaroon ng karelasyon?" Nakangising tanong sa akin ni L.A.
"Yes, hindi naman talaga." aniya ko sa kaniya.
"Really? How about Jin Fajardo?"
Humarap ako kay L.A.
"Kilala mo ako L.A, hindi ko itinuturing na boyfriend si Jin, dumikit lang ako sa kaniya dahil malakas ang connection niya sa Black Market which is kailangan ko sa aking mission that time."
"Pero minahal ka ng gagong iyon." Natatawang saad ni L.A.
Huminga naman ako ng malalim.
Tama si L.A. Minahal ako ni Jin noon. Pero nakipaghiwalay ako sa kaniya, at nagalit pa ito sa akin. Nakalipas ang taon at bumalik ako sa Pilipinas, naging protector niya sina L.A at Beatrice. Kahapon lang kami ulit nagkita, alam kong may nararamdaman pa rin siya sa akin, at iyon ang gagamitin ko ulit para sa bagong mission ko.
