"Ma'am, ano po sasabihin ko kay sir? Palagi ka po niya tinatanong kung lumalabas ka ng bahay, wala naman ako maisagot, si nay Jasmine lang lagi sumasagot. Baka kapag wala si nay Jasmine, hindi ko na alam sasabihin ko."
"Belinda, please just tell him na pumunta ako sa kamag anak ko," sagot ko sa kaniya habang iniimpake ang mga damit ko.
Si Belenda ay isa sa mga helpers namin dito sa bahay, pero paglalaba lang ang kaniyang ginagawa at paglilinis sa sala, hindi katulad ni Aling Jasmine ay all around.
"Eh, wala naman po kayong kamag-anak." Napakamot ito sa ulo.
"Basta, sabihin mo lang. Asan na ba si aling Jasmine?"
Napatingin ako sa pinto na biglaang nagbukas.
"Ito 'yong mga pinakuha mong bag sa kwarto niya. Sigurado ka bang maniniwala na sa kamag-anak mo lang ikaw pupunta? Anak, masyad
