BELLA
Hinatid pa kami ni Kuya Samuel sa pupuntahan niyang boutique.
“Kim, this is Bella. Give her the best dress,” saad ni Kuya Samuel habang kausap ang isang babaeng sa tingin ko ay siyang manager ng shop.
“Sure, sir. Kami na po ang bahala sa kaniya,” malaki ang ngiting saad ng babae at tumingin sa akin.
“Maiwan ko muna kayo rito. Susunduin ko lang si Ben,” paalam niya at ginulo ang buhok ni Gray bago tuluyang umalis.
Pinaupo ko muna saglit si Gray sa couch na nasa waiting area.
“Dito ka lang muna, huwag maglilikot, okay?” pakiusap ko sa anak ko at binigyan ko sa kaniya ang phone ko para malibang siya at manood ng hindi siya umalis sa pwesto niya.
Dinala naman ako ng manager sa mga madaming nakahilerang gown.
“Ano po ba ang design ang gusto ninyo, ma’am? We have all types of gown,
