CHAPTER 46
UMIIKOT ANG paningin ni Rex nang magising. Ilang beses niyang iminulat-pikit ang mga mata dahil sa liwanag na nakakasilaw. Inikot niya ang kanyang tingin sa buong sulok ng puting kwartong iyon. Nahimpil ang kanyang paningin sa isang lalaki na kasalukuyang nakayukyok sa kanyang kama.
Napasigaw siya sa sakit ng kanyang ulo. Parang hinahampas iyon ng maso.
"Clud... Clud!" paulit-ulit niyang sigaw.
Natataranta naman ito nang maalimpungatan. "Mom, antayin mo ako. Tatawag lang ako ng doctor," nagmamadali itong lumabas.
"Violet? Pink!" nanlalaki ang kanyang mga mata dahil sa mga memoryang bumabalik sa isipan. Napasigaw siyang muli. "Helga... walang hiya ka! Walang hiya ka." Humagulgol siya dahil sa mulit-muling pagsulpot ng mga imahe.
Itinanong niya sa sarili ng
