CHAPTER 39
"SIGURADO ka ba?" seryosong tanong ni Russ sa kanya.
Tumango si Violet bilang pagsang-ayon. Hindi siya nag-isip at basta na lang kumilos. Ngunit, wala siyang magagawa dahil nangyari na. Gusto niyang malaman ang sagot sa mga numerong iyon. Kinakabahan pa rin siya ngunit inignora niya lamang. Mas mahalaga ang kanyang misyon, higit pa sa kahit ano.
"Yes," sagot ni Violet.
Hinubad ni Russ ang jacket na suot habang hindi pinuputol ang tingin sa kanya.
"Anong gagawin mo?" sa ginagawa nito ay lalong lumakas ang pagtibok ng kanyang puso. Kahit sino naman ay kakabahan lalo na’t silang dalawa lang ang narito. Marami pa namang record ng panghahalik si Russ at hindi niya iyon makakalimutan.
"Ssh... trust me," isang kindat ang ginawa nito, at itinakip ang jacket sa
