At dahil may nagsponsor ulit sa akin ay balik ulit ako sa pag-aaral. Sobrang saya ko sa mga sandaling ito habang nag-iimpake ng mga gamit ko.
Nakatanggap ako ng two thousand mula kay Manang Elsie sa pagtulong ko sa kanya sa kaniyang maliit na pwesto sa palengke. “Balitaan moko pagdating mo do'n ah? Masaya ako para sayo, Ri. Nawa'y makamit mo ang iyong pangarap,” turan ni Manang saakin. Tumango ako at niyakap siya ng mahigpit.
Habang palabas ako ng eskinita patungo sa sakayan ng dyip patungo sa terminal ng bus ay biglang may humintong kotse sa tapat ko at may iilang mga kalakihan na nakasuot ng itim na maskara ang lumabas. Pilit nila akong pinasakay sa loob ng kotse.
“S-sino kayo? Anong kailangan niyo sa akin?” sunod-sunod kong tanong ngunit sinikmuraan lamang ako ng lalaking nasa tabi
