Tahimik ako na nag-iisip habang nakaupo sa ibabaw ng kama. Nakatali sa gilid ng kahoy na papag ang aking isang kamay at masasabi ko na imposibleng makalas ko ito.
“Hmmmm. Magkano kaya ang halaga mo sa asawa mo? Hindi ko alam kung anong meron sayo, hindi ka naman ganun ka ganda. Bakit nababaliw sayo si Sinclair at bakit ka minahal ni Diego. Pero, alam mo ba, kapag nakuha na namin ang pera na ibibigay ng asawa mo kay Daddy, magpapakasal na kami ni Diego promise kasi niya ‘yun sa akin,” sabi ni Luciana.
Parang baliw ang babae na tila nangangarap ng gising. Mukhang dalang-dala sa mga pangako ni Diego. Parang nakaramdam ako ng konting awa sa kanya. Parang nakikita ko ang aking sarili na ganito noon. Ang kaibihan lang, suportado pala ng ama nito ang kabaliwan niya sa lalaki.
“Alam mo, nak
