MATULING LUMIPAS ANG MGA ARAW. Bahay-trabaho lang si Amari. Busy naman ang mga kaibigan niya sa kanya-kanyang buhay ng mga ito. Nililibang niya na lang ang sarili sa panonoood, pagpe-paint, paglalakad mag-isa sa gabi. Nagtitingin-tingin siya ng ibang activity na pwede niyang gawin sa spare time niya. Kahit pakiramdam niya ay super busy niyang tao dahil pagkauwi sa bahay ay kakain siya, magpapababa ng kain at ipapahinga ang hapong katawan sa trabaho at biyahe, tapos pupunta ng gym, magluluto ng dinner nila ng Ate Eileen niya, magpapaantok gamit ang phone niya.
Madalang niyang nakahuntahan ang mga kaibigan nitong nagdaang linggo. Hindi rin naman kasi siya ang nag-i-initiate ng usapan. Hindi naman kailangang araw-araw niyang kausap ang mga kaibigan. Nandyan naman sila palagi, maasahan sa ka
