Dahil hindi alam nila Aaron kung saan ibabalik ang bata, kinupkop muna nila ito. Dinala sa bahay o mansion kung matatawag ang bahay ng binata. Nakayakap ito ng mahigpit kay Dey-dey habang papasok sila sa bahay. Madaling araw na kaya ramdam na nila ang pagod.
Ang mga nahuli nilang sindikato ay dinala sa kanilang isang hideout at doon kinulong. Naroon ang ilang agent na nagbabantay sa mga ito. Hindi basta makakatakas ang sino man sa sindikato dahil bawat rehas ng kulungan ay may kuryente.
Ipinaalam na rin nila sa General ng kapulisan ang pangyayari. Maging ang sitwasyon ng bata. Mukhang nagka-trauma ito kaya kailangan itong masuri ng doctor.
"Boo, dalhin mo na lang siya sa kabilang silid malapit sa kuwarto mo para makapag-pahinga ka na rin. Ako na bahala sa kanya mamaya,” saad ni Aaron
