Nang matapos si Delsin sa kanyang pag-aapply ng trabaho kung saan-saan, eh maaga siyang umuwi sa bahay nina Alexis. Naabutan niyang nanunuod ng telebisyon si Oryang kasama ang anak nito.
Pupunta na sana siya sa banyo para umihi nang bigla naman siyang tinawag ni Oryang habang hawak nito ang anak.
“Delsin, pwede ba tayong mag-usap?” tanong ni Oryang sa kanya.
Lumapit si Delsin at ngumiti pa kay Oryang bago tuluyang nagsalita.
“Oh, Oryang, bakit? May problema ka ba?” tanong ni Delsin, nag-aalala siya para sa asawa ni Alexis.
“Gusto ko kasing maki-usap sa iyo, kung pwede ay umalis ka na lang dito sa amin. Alam mo naman, hindi na namin kaya pa na magpatira ng iba dito. Hindi na rin kasi kaya ng budget naming mag-asawa,” sagot ni Oryang, para bang nagmamakaawa pa siya kay Delsin.
“A-Ah,
