Habang naghihintay siya, nakita niya sa di kalayuan si Alexis at Oryang na kapwa nakatingin sa kanya. Para bang gusto siyang lapitan ng mga ito pero natatakot sila sa kung ano man ang pwedeng mangyari. Dahil doon, si Delsin na ang lumapit sa kanila at umupo siya sa tabi nito.
‘’Condolences, Delsin ah? Hindi ko akalain na darating si Boyong sa ganoon na iisipin niyang magpakamatay na lang dahil sa problema niya. Hindi na kasi tama ang sinasabi niya sa akin noong isang araw,’’ sabi ni Alexis.
Naguluhan si Delsin sa sinabi ni Alexis. Hindi naman kasi niya alam kung ano ang naging problema ni Alexis sa loob kaya takang-taka siya. Tinanong niya si Alexis kung ano ang problema ni Boyong.
‘’Anong problema ni Boyong noong mga nakaraang araw? Pasensya ka na, hindi na kasi ako napunta dito sa kul
