HEIANA
"Good Morning Princess," bati sa kanya ng isang nurse pagkapasok niya sa bagong hospital na pinatayo ng kaibigan niyang si Felix.
Hindi niya akalain na magpatayo ito sa Pilipinas ng hospital. Hindi siya makapaniwala na tinupad talaga ang sinabi nito. Alam niya kung bakit, dahil gusto nitong makuha ang loob ng babaeng sinaktan nitong si Nichole. Napailing na lang siya, kahit anong gawin nito ay hindi pa rin bumalik si Nichole kay Felix.
Huminto siya sa harapan nito. Ngumiti siya sa nars at bumati pabalik dito.
"Good morning, where is Felix?"
Tinuro nito ang pintuan kung saan ay may nakalagay ang pangalan nito. Kaya nagpaalam na siya para puntahan ang doktor niya para sa session niya. Matagal na niyang dinadala ang sakit na PTSD kahit anong gawin niya ay hinahabol pa rin siya n
