ERIELA
Nagising ang dalaga dahil sa sinag na tumama sa mga mata niya. Pagkabukas pa lamang niya ng kanyang mga mata ay bumungad sa kanya ang sinag ng ilaw at ang puting kisame. Inilibot niya ang kanyang paningin sa buong paligid at napaigik siya sa sakit nang kumilos siya. Napakagat-labi siya. Biglang sumagi sa isip niya ang nangyari sa kanya kagabi. Bigla siyang nakaramdam ng kaba at kinilabutan siya.
Dalawang tama ng balang tumagos sa katawan niya. Hindi niya malaman kung sino ang gumawa nito sa kanya at kung sino ang may balak na patayin siya. Sa pagkakaalam niya’y kahit mataray siya ay wala naman siyang binanggang tao. Wala naman siyang maalalang may kaaway siya. Natigilan siya nang maalala ang sinabi ni Andrew noong kasama niya itong kumakain ng ice cream. Dapat niyang mag-ingat sa
