Inuntog ko lang naman ang noo sa kanya para kahit papaano ay matauhan.
“Ayos ka rin ‘no? Supalpain ko iyang bibig mo kapag hindi ka tumahimik.” Palabang sabi ko.
Tinangka kong bawiin sa kanya ang kamay kong hawak niya pero mas humigpit pa lalo. Sinamaan ko siya ng tingin. “Ate Nadia, si Avi po sinaktan ako…”
Nanlaki ang mata ko. “Sumbongerong bata, bitaw nga!” pagpupumilit ko. “Kapag nagkapantal pulsuhan ko, bibirain kita, makikita mo!”
Lumabi siya. “Mag-sorry ka muna.” Ngising wika niya na ikinangiwi ko. Hindi ko talaga matantiya ang lalaking ‘to. Ang hirap niyang basahin. Parang wala lang sa kanya iyong nangyari kanina. Nagka-amnesia agad? At ito kami parang mga batang nagbabangayan. “Tapos kiss mo ako, dali.”
Lumukot lalo ang noo ko sa pinagsasabi niya. Wala sa sariling inabot ko i
