PALAKAD-LAKAD sa loob ng silid si Dylan. Malalim na nag-iisip kung gigisingin ba niya si Kathy na mahimbing na natutulog sa kanyang kama. Pasado na alas dos ng hapon pero tulog parin ito at nag-aalala na siya baka nagugutom na ito. Kinuha niya ang kanyang cellphone at tumawag sa dining area ng hotel para magpadala ng pagkain sa kanyang presidential suite.
Anumang oras darating na ang kanilang pagkain. Kaya nilapitan niya ang dalaga at mahinang tinapik ang pisngi nito.
"Angela! Angela! Wake up!" wika nito habang patuloy na ginigising ang dalaga na agad namang nagmulat ng mga mata.
"Kumusta ang pakiramdam mo? I'm sorry kung ginising kita. Kailangan mong kumain para bumalik ang lakas mo." nag-aalalang wika ni Dylan.
"M-medyo okay na." sagot nito sa binata habang tinutulungan siyang umupo
