LUMABAS ng silid si Kathy ng makarinig ng mga katok sa pintuan. Nakatayo sa pinto si Christian at naghihintay sa kanya. Mukhang kakarating lang nito galing Maynila dahil hindi pa ito nakabihis ng damit pambahay. Noong sabado hinatid lang siya ni Christian at bumalik din ito ng Maynila kinaumagahan para sa nakatakdang flight ni Samantha pabalik ng England.
"Ayos ka lang ba dito?" tanong nito.
"Okay lang po, Kuya Christian!" nakangiting sagot niya.
Tumango-tango lang ito sa kanya at niyaya siya papunta sa sala dahil may pinadala raw si Samantha. Tumambad sa kanya ang maraming paper bags ng mga sikat na brands ng damit at mga personal na gamit. Wala siyang ibang dalang damit maliban lang sa kanyang suot ng umalis sa bahay ni Dylan. Binigyan lang siya ni Christian ng damit ni Samantha para
