***
Sa pagbulusok pababa ng rollercoaster na natatanaw ni Janice, kasunod niyon ang malakas na pagsigawan ng mga taong malakas din ang loob na sumakay roon. Kahit nakatingin lang siya sa napakalaking extreme ride-- na may mahaba at bali-balikong riles at mistulang sa himpapawid-- halos bumaliktad na nga ang sikmura niya.
Alam niyang hindi niya maaatim na sumakay roon. Pang-carousel lang kasi siya.
Kasalukuyan na silang nasa isang kilalang amusement park sa Laguna-- ang Excited Queendom. Dito kasi sila dinala ng free tickets na nakuha nila kay Direk Gian. Pumayag na rin siya para naman makarating din sa ibang lugar si Sasha.
Kasama nga nila ang direktor, maging sina Noel at Nathan na nakaisip pa ng kakaibang disguise nito. Nakakahiya tuloy dahi
